EUNEIZ unibertsitate pribatua da, Euskal Unibertsitate Sistemaren barruan dagoena, azaroaren 11ko 8/2021 Legearen bidez (BOE – EHAA) onartu zena. Hala, 2022/2023 ikasturtetik pixkanaka maila guztietako unibertsitate-irakaskuntzen eskaintza zabala ematen hasi zen.
Funtsezko eginkizuna da goi-mailako hezkuntzaren zerbitzua ematea irakaskuntzaren, ikasketaren, etengabeko prestakuntzaren, ikerketaren eta ezagutzaren eta teknologiaren transferentziaren bidez. Era berean, unibertsitatea euskal gizartearen garapen ekonomiko, zientifiko eta kulturalean, kohesioan eta herritarren ongizatean laguntzeko konpromiso sendoarekin sortu zen, gizarte bidezkoago eta solidarioago baten kariaz, Euskal Unibertsitate Sistemaren Legeak gizarteari zerbitzua emateko aldarrikatzen duen printzipioarekin bat etorriz.
Gasteiz hiria aukeratu da kokapen horretarako, enpresa-, merkataritza- eta kultura-mailan balio estrategiko handia duen Euskadiko hiriburua, bere ekonomia nabarmen dibertsifikatzea lortu duena, hainbat industria multinazional erakarriz, turismo kulturala sustatuz eta iraunkortasun- eta aurrerapen-proiektua sendotuz. Horrez gain, Gasteiz ere erreferentea da kirol-arloan, bai kirol profesionalari dagokionez, bai osasunaren esparruan jarduera fisikoa sustatzeari dagokionez. Hala, eskaintzen dituen ikasketa-planek eskaintza berri bat egin nahi dute, berariazko teknologia berrien eremuan hazkundea eta ezagutza esparru desberdinetan integratzea sustatuko duena, bereziki osasunarekin eta kirolarekin zerikusia dutenetan. Puntu honetan, Gasteizko bi klub nagusiek, Saski Baskonia SADek eta Deportivo Alavések, proiektuan parte hartzea balio erantsi handia da, zalantzarik gabe.
EUNEIZ Unibertsitatearen konpromisoa ekonomia global berrirako prestatutako graduatuen bidez hazkunde ekonomikoa eta soziala sustatzea da, teknologia berrietan oinarritutako abangoardiako prestakuntzatik abiatuta, prestakuntza-elementu bereizgarri gisa eskaintza akademiko osoan eta praktika profesionalean ikasteko tresna gisa. Ikasleen, irakasleen eta hezkuntza-eskaintzaren nazioartekotzea, enpresa-sektorearekiko etengabeko lotura lan-merkatuaren eskakizunetara egokitzeko eta bikaintasunean oinarritutako ikerketa-estrategia sendoa dira EUNEIZen unibertsitate-bokazioa inspiratzen duten beste printzipio batzuk.
Ondare eraikin berezian dago, eta ia 4000m2 ditu unibertsitate-irakaskuntzarako gaituta. Gaur egun, EUNEIZ bi solairutan banatzen da eta bost gela teoriko, bost gela informatizatu (horietako bat MAC gela), Osasun Fakultaterako hiru praktika gela, jarduera desberdinetarako zazpi gela balioanitz, ikerketarako sei gune edota laborategi espezializatu, soinurako bost espazio espezializatu eta ikasleriarentzat kontsultatzeko eta mailegatzeko funts bibliografikoa duten bi IIBZ gela ditu. Eraikinak, gainera, aparkaleku handi bat du unibertsitateak erabiltzeko.
Campusaren barruan, eta unibertsitatetik gertu, Ondare Living egoitza dago. Gure bazkidearen –Baskonia Alavés Taldea– proiektu estrategikoa da, eta gune moderno, berritzaile eta funtzionala eskaintzea du helburu, ingurune pribilegiatu batean.
Egoitza hori erosotasun eta zerbitzu guztiekin diseinatuta dago, eta giro ezin hobea da ikasleen garapen akademiko eta pertsonalerako.
Salburua auzoan, Gasteizko Eraztun Berdearen ondoan, EUNEIZ Unibertsitatearen campusa dago. Unibertsitate-eraikinaz eta Ondare Living egoitzaz gain, BAKH, Baskonia Arabako Kirol Hiriaz gozatu daiteke, kirolaren, aisialdiaren eta osasunaren aldeko apustu berrituarekin. Eta metro gutxi batzuetara, Salburuko Hezeguneen Interpretazio Zentroa (Ataria), Gasteizek iraunkortasunarekin eta ingurumenarekin duen konpromisoaren ikurretako bat.
EUNEIZ
Paseo de la Biosfera, nº6
01013 Vitoria-Gasteiz
Álava-Araba
Jendaurreko ordutegia
8: 00etatik 16: 00etara
EUNEIZ
Paseo de la Biosfera, nº6
01013 Vitoria-Gasteiz
Álava-Araba
Jendaurreko ordutegia
8: 00etatik 16: 00etara
EUNEIZ Unibertsitatea azaroaren 11ko 8/2021 Legearen bidez aintzatetsi da, eta 2022-23 ikasturterako jarduerak hastea aurreikusten du. Ezagutu gehiago